代父还债拖都甩埋又南惨到开骚都被追数

报警寻父嘅黄又南,揭出一个艺人代父抵债七年壮烈牺牲经过,以为脱债一家有好日子过,点知老窦就脑退化搞到唔识路返屋企,真情坚惨情,Nuts哥真係见唔少逆子弃养或拳打脚踢双亲,呃楼、呃埋棺材本乜都有,呢啲忤逆所为已经唔係咩新鲜事,但係当年又南一个廿岁未出头、乳臭未乾嘅o靓仔,因为开印刷厂嘅老窦被人走数,小康之家变负资产家庭,依家人人都话成功靠父干,但又南一夜间就要撑起头家,呢个绝顶孝顺仔仲做埋担保人孭起700万街数,人哋见你係艺人当然唔怕你走数,正所谓街招都唔使贴!大佬呀!

七球唔係七个雪糕球啰,就当你想买层700万嘅楼,以又南当时新人嘅搵钱能力,银行嘅压力测试都过唔到啦,还钱讲咁易咩?惟有烂做乜骚乜戏乜都接,日日几乎做足24个钟,捱到骨瘦如柴,仲要走去拍武打片,搞到哮喘发作虚脱晕低,但係唔做就冇水冇收入、所以吊住盐水都照顶硬上开工,好彩佢够硬净,以近乎愚公移山方式,搵1蚊还7毫清债项。

人生有几多个十年?虽然甘愿成为还债机器,但活喺现实嘅香港有钱有Title、冇钱就Impossible,阴功到问人可唔可以请佢食碗麵,大家咪误会以为係想见你一面啲广告Slogan呀!

而係佢惨到连买杯麵嘅钱都冇,咁冇钱仲学咩人拍拖?结果同杜如风都散埋!

捱到顶唔住爆喊佢都要抦埋一边,唔敢畀屋企人知。山穷水尽樽盐晨早埋咗落灶底啦!

全家每月七成收入用嚟还债,剩番两千蚊唔够顶到月尾,唔好话搭车钱,绝路到要同圈中朋友度水度日,结果人哋唔借仲要唱通街,借钱如乞米果然无错!其中有个艺人T先生仲同人乱讲:佢好唔掂,孭住好多赌债!

又南话冇嬲唔借畀佢,何况借钱係事实,仲边有资格去嬲人哋!反而唔熟嘅陈晓东同樊少皇,好爽快就总共借咗一万蚊畀佢解燃眉之急,呢啲麻甩佬浪漫真係有今生冇来世。

虽则依家啲人话最惊係接到诈骗电话被呃身家,但又南就话诈骗电话有乜好惊?当年佢接财仔电话被问候全家多过大家食饭,连开紧骚都打嚟追数,好兄弟天佑虽然有心无力,但都喺佢身边撑住!

又南有钱都拎晒去还,仲pc蛋蛋微信群边有余钱畀人呃?钱有命有得还,但老窦有认知障碍呢个病,做仔想顶都顶唔到。

唔係怕照顾老窦,而係要面对有一日佢唔记得咗呢个仔!香港父母个个望子成龙,又南可唔可以成龙Nuts哥就唔知喇,但如果有得拣,一定拣又南做我个仔啰!

Nuts哥

上一篇:韩国渡轮灾难:pc蛋蛋微信群死亡人数超过100人 下一篇:没有了

本文URL:http://www.mobric.com/lvxing/ribenbaocheyou/201811/6462.html

热门焦点

精心推荐

猜你喜欢

Ctrl+D 将本页面保存为书签,全面了解最新资讯,方便快捷。